MAA

Zindagi ki tapti dhoop mai ek thanda saya paya hai mai ne
Jab kholi aankh to apni maa ko muskorata howa paya hai mai ne

Jab bhi maa ka naam liya,
Os ka beshomaar pyar paya hai mai ne

Jab koi dard mehsoos howa, jab koi mushkil aayi
Apne pehlo mai apni maa ko paya hai mai ne

Jaagti rahi who raat bhar mere liye
Jaane kitni raatein, osay jagaya hai mai ne

Zindagi ke har moadh(mor) par, jab howi gumrah mai
Iski hidaayat par, pakarli seedhi raah mai ne

Jis ki dua se har moseebat loat jaye,
Aisa farishta paya hai mai ne

Meri har fiker ko janne wali,
Mere jazbaaton ko pehcanne wali,
Aisi hasti payi hai mai ne

Meri zindagi sirf meri maa hai,
Isi ke liye to,
Is zindagi ki shama jala rakkhi hai mai ne

Gam-e-ulfat mai...

Gam-e-ulfat main hum had se gujar gaye,
ki unke isqe main hum deewane ban gaye,
humne to sunai thi apni daastain-e-dil unko,
vo zalim samjhe gazal aur wah wah kar gaye

Rona bhi jo chahen to rone nahi deta...

Rona bhi jo chahen to rone nahi deta,
Wo shaks to palken bhi bhigone nahi deta!!

Wo roz rulata hai hame khwaab me aakar,
Sona bhi jo chahen to sone nahi deta !!

Ye kis ke ishare pe ghir aaye hain baadal,
Hai kaun jo barsat bhi hone nahi deta !!

Aata hai khayalon me mere kaun ye aksar,
Jo muzhko kisi aur ka hone nahi deta!!

Mai hoon ke bahaata hoon uski yaad me aansoo,
wo hai ke ashkon ko pirone nahi deta!!

Wo chehra ajab hai jise paakar mai abhi tak,
Khona bhi chahoon to khone nahi deta !!

Thame hue lahron ki husn-e-baag koi too,
Sahil ko samandar me doobone nahi deta!!

Wo shaks to palken bhi bhigone nahi deta!!!!

Ye zaraa mushkil hai...

Wo din phirse laut aayen ye zaraa mushkil hai
Hum phirse muskurayen ye zaraa mushkil hai

Tum hamen bhool jao to koi gila nahin
Hum tumhe bhool jaayen ye zaraa mushkil hai

Shayad Khataa Huyee hai mujhse yaa tumse
elzaam kispe lagaayen ye zaraa mushkil hai

Pukarta hai mera dil jo sun sako to sunlo
Awaaz de ke bulaayen ye zaraa mushkil hai

Dhoobata hai meri ummeedon ka suraj ab to
Roshni taaron se karen ye zaraa mushkil hai

Ab kya likhen kaghaz par.....

Ab kya likhen kaagaz par,
Ab likhne ko kya baaqi hai,


ek dil tha woh toot gaya,
Ab tootne ko kya baaqi hai,


ek shakhs ko ham ne chaha tha,
ek rait pe naqsh banaya tha,


Woh rait to kab ki bikhar gai,
Woh naqsh kahan ab baqi hai,


Ham jin ko apni nazmon ka,
Unwan banaya karte the,


Lafzon ka bana ke Taj Mehal,
Kaagaz par sajaya karte the,


Woh ham ko akela chor gye,
Sab rishton se muh mod gye,


Ab raaste sare sune hain,
Woh pyar kahan ab baaqi hai,

Ab kya likhen ham kaghaz par,
Ab likhne ko kya baqi hai…

Phir bhi mujhe tujh se zindagi....

Kabhi Palkon Pe Aansoo Hain Kabhi Lab Per Shikayat Hai
Magar Aye Zindagi Phir Bhi Mujhe Tujh Se Mohabbat HAI


Jo Aata Hai Woh Jataa Hai Yeh Duniya Aani Jaani Hai
Yahan Her Shaks Musafir Hai Safar Mein Zindagani Hai
Ujalon Ki Zaroorat Hai Andhera Meri Kismat Hai


Kabhi Palkon Pe Ansoo Hain Kabhi Lab Par Shikayat Hai
Magar Aye Zindagi Phir Bhi Mujhe Tujh Se Mohabbat Hai


Zara Aye Zindagi Dum Le Tera Deedar Toh Kar Loo
Kabhi Dekha Nahin Jis Ko Uska Deedaar Toh Ker Loo
Abhi Se Chhod Kar Mat Jaa Abhi Teri Zaroorat Hai


Kabhi Palkoon Pay Ansoo Hain Kabhi Lab Par Shikayat Hai
Magar Aye Zindagi Phir Bhi Mujhe Tujh Se Mohabbat Hai


Koi Anjaan Sa Chehraa Ubhar Tha Hai Fizaaon Mein
Yeh Kis Ki Aahatein Jagee Meri Khamosh Rahon Mein
Abhi Aye Mout Naa Aanaa Mera Thikaana Jannat Hai


Kabhi Palkon Pe Ansoo Hain Kabhi Lab Par Shikayat Hai
Magar Aye Zindagi Phir Bhi Mujhe Tujh Se Mohabbat Hai

Ye Pyar Kya Cheez hai?

Kitne Pyar mein barbaad ho gye..
Kitne ro ro kar jeete hai...
Kya rkha hai es pyar me..
jo akshar log kiya krte hai??

Dil se dil milaane ka naam he ishq..

dil se dil milaane ka naam he ishq,
khabon ko sajaane ka naam he ishq!
mar mite jo hoton ki jumbish par,
us diwaangi ka naam he ishq!
unke chehre par ik hasi ke liye,
so gham uthaane ka naam he ishq!
aa jaayen kabhi jo aankhon mean,
un ashkon ko apni palkon mean lene ka naam he ishq!
na uff kare na aah kare na peshani pe shikan bhare,
khud ko mohabbat ke naam pe mitane naam he ishq!
na kar khafa na ho khafa na le wafa ka to sila,
bina shart saath nibhane ka naam he ishq!
guzaar de too zindagi na mout hi juda kare,
is tarha saath nibhane ka naam he ishq!

Teri hathan wali mehndi..

Teri hatha wali mehndi vich naam jisda rehnda c
Hun hatha vicho miti hoyi lakeer ho gya
Jehra teri jindgi da sab to keemti gehna c
Ajj galo lah k sutti hoyi janzeer ho gya
Dil de vehde jisde hunjua di aud c
Ajj gamma di o daulat nal ameer ho gya
‘preet’ jehra rounak c har ik mehfil di
Pind ‘chehru’ vich sunya hai o fakeer ho gya..

Yaaran da pyar..

Loke puchde yaran da pyar kive paida,
Dil hath te dhar ke yaran de naal lag jaida,
Zakhma nu chupake yaar nu hasaida,
Galat hove yaar te jind jaan naal manaida,
Ena pyar yaar nal paida ki je rabb bulave
Yaar nu te ap turr jaida.

Kitni Ajeeb Thi Dastan-e-Mohabbat...

Kitni Ajeeb Thi
Dastan-e-Mohabbat
ke
Ek Aankh
… Samandar ..
Aur
Duji
… .Pyaasi …
Thi!!

Mujhe kyun tamasha bana dia...

"Mujhe kyun tamasha bana dia"

Kabhi Ghum Ki Aag Main Jal Uthe

Kabhi Dil ka Dagh Jala Dia

Ay Janoon-e-Ishq Bata Zara

Mujhe Kyun Tamasha Bana Dia

Gham-e-Ishq Kitna Ajeeb Hai

Ye Janoon Se Kitna Qareeb Hai

Kabhi Ashk Palkon Pay Ruk Gaye

Kabhi Main Ne Darya Baha Dia

Mera Jazba-e-Shoq To Dekhiye

Meri Bandgi Hai Wo Bandgi

Jahan Tera Naqsh-e-Qadam Mila

Wahin Kaaba Main Ne Bana Dia

Abi Kar Rehe Ho Tum Ibteda

Mera Keh Raha Hai Ye Tajruba

Tumain Zindagi Ki Hai Arzu

Mujhe Zindagi Ne Mita Dia…..!!!

Kisi Se Ab Itni Muhabbat Bhi Nahi Rakhni Hai..

Raat Din Hijar Ki Wehshat Bhi Nahi Rakhni Hai,
Kisi Se Ab Itni Muhabbat Bhi Nahi Rakhni Hai,
.
Jis Ka Ji Chahay Humein Torr K Tukray Karday,
Is Qadar Narm Tabiyaat Bhi Nahi Rakhni Hai,
.
Ek Do Saal K Rishton Se Humein Kya Haasil,
Ek Do Pal Ki Rafaqat Bhi Nahi Rakhni Hai,
.
Jinse Bicharen To Sambhalny Me Zamany Lag Jaen,
Aise Logon Se Muraw’wat Bhi Nahi Rakhni Hai,
.
Kiya Ajab Haal Hai Chahat K Talabgaron Ka,
Shoq Biknay Ka Hai Qeemat Bhi Nahi Rakhni Hai……!!!!

Asar dil per kare shikwa shikayat ho to aisi ho...

Asar dil par kare shikwa,
shikayat ho to aisi ho.!
Gale lag kar koi roye,
Nadamat ho to aisi ho!!

yahi mehsus ho jaise
kai sadiyan guzari hain
faqat ek pal ki furqat mein,
Aziat ho to aisi ho..!!
mujhe kanta chubhe aur
us ki ankhon se lahu tapke,
talluq ho to aisa ho,
MUHABAT ho to aisi ho.

Koi Ghazal Suna Kar Kya Karna...

Koi Ghazal Suna Kar Kya Karna.??
Yoon baat barrha Ker Kya Karna.??
Tum Mere Thay Tum Mere ho,
Duniya Ko bata Kar Kya Karna.??
Tum Ehad Nibhao Chaahat Say,
Koi Rasm Nibha Kar Kya Karna…??
Tum Khafa bhi Achae Lagte ho,
Phir Tum Ko Manaa Kar Kya Karna..??
Tere Dar Pe Aa Ke baithe hain,
Ab Ghar bhi Ja Kar Kya Karna..??
Din Yaad Se Acha Guzre Ga,
Phir Tum Ko bhula Kar Kya Karna..??

Zindagi mein baar baar ye mukaam aaye...

Zindagi mein baar baar ye mukaam aaye

Tum hamare – hum tumhare kaam aaye 

Bas itni he dua khuda se ki agle janm me

tumhare dosto me hamaara naam aaye..

Lehro se milkar na woh beh sake na hum...

Lehro se milkar na woh beh sake na hum,
ek duje ke Dil me na woh reh sake na hum,
jeet lete aasma ek din lekin, palkon ki khamoshi ko,
hothon se na woh keh sake na hum…

Kuch Kami Si hai...

Kuch bikhre sapno se aankho mein nami si hai,
Ek chhota sa aasma aur umido ki zamin si hai,
Yun to zindagi mein bahut kuch mila zindagi mein,
sirf jo apne dur hai, unki kami si hai.

Yaad hoti hi hai satane ke liye...

Yaad hoti hi hai satane ke liye,

Koi Rutha hi phir man jane ke liye,

Rishta banana to koi mushkil nahi,

Bas jaan tak chali jati hai, rishta nibhane ke liye.

Har ek muskurahat muskan nahin hoti..

Har ek muskurahat muskan nahin hoti,
Nafrat ho ya mohabbat aasan nahin hoti.
Aansu gam ke aur Khushi ke ek se hote hain,
Magar inki pehchaan aasan nahin hoti !!